डोटीमा माटो खन्ने क्रममा एक महिलाको मृत्यु भएको छ । जिल्ला प्रहरी कार्यालय डोटीका सूचना अधिकारी, प्रहरी नायव उपरीक्षक निशान्त श्रीवास्तवका अनुसार आज दिउँसो साँढे २ बजेतिर माटो खन्ने क्रममा माटोको ढिस्को मुनि पुरिएर आदर्श गाउँपालिका–२ की ६० वर्षीय भागादेवी ओझाको मृत्यु भएको हो । उहाँसंगै माटोमा पुरिनुभएकी ५० वर्षीया पार्वती खड्काको भने उद्धार गरिएको प्रहरी नायव उपरीक्षक श्रीवास्तवले जानकारी दिनुभएको छ।घाइते खड्काको जिल्ला अस्पताल डोटीमा उपचार भइरहेको छ ।
