धन बहादुर बोहरा डोटी _ जिल्ला कारागार कार्यालय डोटीमा सामूहिक भाइटीका लगाइएको छ । बह्रमकुमारी ईश्वरीय विश्वविद्यालय शाखा सिलगढीको आयोजनामा कैदीबन्दीहरुलाई सामूहि भाइटीका लगाइएको हो । बह्रमकुमारी ईश्वरीय विश्वविद्यालयका तर्फबाट सिलगढी शाखा प्रमुख बह्रमकुमारी पर्वती भाटले कारागारमै गएर कैदीबन्दीहरुलाई सामूहिक भाइटीका लगाइदिएका हुन् । कारागार कार्यालयमा पुगेर ५५ जना कैदीबन्दीहरुलाई भाइटीका लगाएको भाटले बताइन् । चाडपर्वको समयमा बन्दीहरुलाई नियास्रो नहोस भनेर सामूहिक रुपमा भाइटीका लगाइदिएको उनले बताइन् ।
बह्रमकुमारी ईश्वरीय विश्वविद्यालयले रहेको बर्ष रक्षा बन्धन वडा दशै तिहारमा कारागार कार्यालयमा सामूहिक रुपमा यस्तै कार्यक्रमको योजना गर्दै आएको छ । कैदीबन्दीहरुमा सकारात्मक भावनाको विकास गर्ने र उनीहरुलाई चाडपर्वको समयमा खल्लो नहोस भनेर भाइटीका मनाएको बह्रमकुमारी भाटले बताइन्
