सिलगढी _डोटीको दिपायल सिलगढी नगरपालिका नगर प्रमुख बाजी सिंह खड्काले सुना देवी माध्यामिक विद्यालयको नवनिर्मित भवन उद्घाटन गर्नुभएको छ।
संघीय सरकारको विशेष अनुदान कार्यक्रम अन्तरगत २ करोड २१लाख लागतमा नगरपालिकाको वडा नं ८ मा रहेको सुनादेवी माध्यमिक विद्यालय ८ कोठे भवनको मंगलबार एक कार्यक्रमकाबीच नगर प्रमुख खड्काले उद्घाटन गरेको वडा अध्यक्ष दस्रत बलायरले बताउनुभएको छ। सो अवसरमा नगर प्रमुख खड्काले विद्यालय नै गोरुवपूर्ण प्राकृतिक वातावरण रहेको स्थानमा रहेको र विद्यालयको पनि राम्रो सुधार भएकोमा विद्यालय परिवारको प्रसंशा गर्नुभयो । देशको समृद्धिका लागि शिक्षा नै आधारभूत आवश्यकता भएकाले सामुदायिक विद्यालयको योगदान अतुलनीय रहेको उहाँले चर्चा गर्नुभयो ।नमुना विद्यालय विकास अन्तर्गत निर्माण गरिएको सो भवन निर्माणले विद्यालयको शैक्षिक गुणस्तर सुधारमा टेवा पुग्ने विश्वास पनि उहाँले व्यक्त गर्नुभयो ।
कार्यक्रम स्थानीय जनप्रतिनिधि, शिक्षक अभिभावक तथा विद्यार्थीको सहभागिता रहेको थियो ।
