सिलगढी, डोटी जिल्लामा आयुर्वेद तथा वैकल्पिक चिकित्सा सुदृढीकरण कार्यक्रम सम्पन्न भएको छ। जिल्ला आयुर्वेद स्वास्थ्य केन्द्र डोटीको आयोजनामा शुक्रबार दिपायल सिलगढी नगरपालिका वडा नम्बर ५ मा उक्त कार्यक्रम सम्पन्न भएको छ।
कार्यक्रममा जिल्ला आयुर्वेद स्वास्थ्य केन्द्र डोटीका योग प्रशिक्षक बलदेव जोशीले सहभागीलाई आयुर्वेदिक औषधिको महत्व, घरेलु उपचारका उपायहरू, जडीबुटीको सही प्रयोग तथा स्वस्थ जीवनशैलीका विभिन्न पक्षबारे जानकारी गराउनूभएको थियो।
कार्यक्रमम सहभागीहरुले आधुनिक जीवनशैलीमा बढ्दो रोगहरूको समाधानमा आयुर्वेद र वैकल्पिक चिकित्सा उपयोगी बन्ने विश्वास व्यक्त गर्नुभयो उहाहरूले आयुर्वेदलाई गाउँघरमै पहुँचयोग्य र प्रभावकारी बनाउनेतर्फ सबैले पहल गर्नुपर्ने बताउनुभएको छ।
कार्यक्रममा जनप्रतिनिधि, समाजसेवी, बुद्धिजीवी, नागरिक समाजका प्रतिनिधिहरू, महिला स्वास्थ्य स्वयंसेविका, आमा समूह तथा सर्वसाधारणको उत्साहजनक सहभागिता रहेको थियो।
जिल्ला आयुर्वेद स्वास्थ्य केन्द्र डोटीले जिल्लाका विभिन्न स्थानमा यस्ता कार्यक्रमहरु संचालन गर्दै आएको केन्द्रका योग प्रशिक्षक जोशीले बताउनु भएको छ ।