डोटी,
हलिया महासङ्घ, निड्स नेपाल, गिफ्ट नेपाल बाजुरा, र CDC डोटीको आयोजनामा सिलगढी, डोटीमा चार जिल्लाका कृषि दूतहरूका लागि चार दिने क्षमता विकास तालिम सम्पन्न भएको छ । यो तालिम अष्ट्रेलियन एड, एलडब्लुएफ नेपाल र एलसिडी अष्ट्रेलियाको साझेदारीमा सञ्चालित ‘लाइट र मुक्त हलिया तथा दलितका लागि सक्षम परियोजना’ अन्तर्गत आयोजना गरिएको हो।
परियोजनाले डोटी, डडेलधुरा, कञ्चनपुर र बाजुरामा चारवटै संस्थामार्फत काम गर्दै आइरहेको छ। तालिममा डडेलधुराबाट हलिया महासङ्घका ७ जना, डोटीबाट CDC का ९ जना, कञ्चनपुरबाट निड्स नेपालका ३ जना र बाजुराबाट गिफ्ट नेपालका २ जना गरी कुल २१ जना सहभागी थिए। तालिमका प्रमुख प्रशिक्षकहरूमा आरएनडी सोलुसन इनोभेटिभकी सुनिता न्हेम्फासु, सामुदायिक बीउ बैंकका अध्यक्ष टेकेन्द्र सिंह, र एलडब्लुएफ नेपालका जीविकोपार्जन तथा बजारीकरण प्रवर्धन निर्देशक मानधोज खत्री रहनुभएको थियो।
कार्यकारी निर्देशक हेमराज जोशीका अनुसार, “यो तालिम सामान्य तालिमभन्दा फरक छ। यहाँ कुनै दार्शनिकका भनाइ, रिसर्च रिपोर्ट पढाइँदैन, सफल उद्यमीका जीवनका प्रमाणित अनुभव र कथाहरू सिकाइन्छ। सिकेका कुरा दैनिक जीवनमा प्रयोग गर्न सकिने खालका छन्। यसले सहभागीहरूलाई स्वयं उद्यमी बन्ने र अरूलाई पनि प्रेरित गर्ने दिशामा अघि बढाउने उहाले बताउनुभएको छ ।