डोटी ,जेष्ठ १५
सुबास नेपाली
भु-स्वर्गकारुपमा परिचित खप्तड क्षेत्रमा जेठ १६ गते
शुक्ल पक्ष दशमीमा लाग्ने गंगा दशहरा मेलामा आज भएको घोडा दौड प्रतियोगितामा बझाङका अजय रावल प्रथम भएका छ्न् ।
सुदुर पश्चिम खेलकुद परिषद कैलाली र उद्योग बाणिज्य संघ डोटीको संयुक्त आयोजना र नेपाली सेनाको व्यवस्थापनमा संचालन भएको उक्त प्रतियोगितामा बझाङका पदमराज पाध्य द्वितीय भएका छन् भने बझाङकै जिवन शाही तृतीय भएका छन् ।
उक्त प्रतियोगितामा प्रथम पुरस्कार रू ३० हजार, द्वितीय पुरस्कार रू २० हजार र तृतीय पुरस्कार रू १० हजार नगद सहित मेडल र प्रमाणपत्र प्रदान गरिएकाे छ । प्रतियोगितामा १२ जना प्रतियोगी रहेका थिए ।
