सिलगढी _डोटीको के.आई.सिंह गाउँपालिका वडा नम्बर १ की ३५ बर्सिया जगुली देवी भूलको ज्यान गएको छ । जङ्गली बँदेलको आक्रमणबाट घाइते भएकी जगुली देवीको उपचारका क्रममा ज्यान गएको हो । मङ्गलवार बिहान बँदेलले आक्रमण गर्दा घाइते भएकी जगुलीको जिल्ला अस्पताल डोटीमा उपचारको क्रममा दिउँसो साढे १२ बजेतिर ज्यान गएको जिल्ला प्रहरी कार्यालय डोटीका प्रहरी निरीक्षक सिताराम विष्टले जानकारी दिए ।
आज बिहान करिब ९ बजेतिर नजिकै घाँस काट्ने क्रममा बँदेलले आक्रमण गर्दा जगुलीसहित सोही ठाउँका ७२ बर्सिया भगी भुल घाइते भएका थिए । भगीको जिल्ला अस्पतालमा उपचार भइरहेको छ । उनको टाउकोमा चोट लागेको छ ।
