माघ २०, डोटी । शनिवार बिहान डोटीमा जिप दुर्घटना भएको छ । जिल्लाको सायल गाउँपालिका-४ भाल्माबाट सिलगढी आउँदै गरेको सु.प्र. ०१००१ ज ३९९ नम्बरको बोलेरो जिप दुर्घटनामा परेको छ ।
जिल्ला प्रहरी कार्यालय डोटीका अनुसार भाल्मा स्थित बिहान साढे ८ बजेतिर जिप दुर्घटना हुँदा सायल गाउँपालिका-४ का ३९ वर्षीय गाडी चालक मीन बहादुर बोगटी घाइते भएका छन् । उनको दाहिने खुट्टाको घुँडा, छाती र टाउकोमा चोट लागेको प्रहरी निरीक्षक सिताराम विष्टले जानकारी दिएका छन् । उनलाई उपचारको लागि जिल्ला अस्पताल ल्याइएको छ ।
जिप सडकबाट अन्दाजी २५ मिटर तल खसेको छ । जिपमा चालक मात्रै थिए ।
