डोटी बहुमुखी क्याम्पसमा स्वतन्त्र विद्यार्थी युनियन (स्ववियु) निर्वाचनमा त्रिपक्षीय प्रतिस्पर्धा हुने भएको छ।नेपाली कांग्रेस निकट नेपाल विद्यार्थी संघ (नेविसंघ) इन्द्र सम्शेर राणा, अनेरास्ववियुबाट सुरेश रोकाया र अखिल क्रान्तिकारी र अखिल समाजवादीकातर्फबाट अजित सिंहले अध्यक्ष पदका लागि उम्मेदवारी दिएका छन्।
यसपटकको स्ववियु निर्वाचनमा विद्यार्थी संगठनहरूबीच तीव्र प्रतिस्पर्धा देखिएको छ। ५ चैतमा हुने निर्वाचनका लागि उम्मेदवारी दर्ता बिहान ११ बजेदेखि दिउँसो २ बजेसम्म कार्यतालिका रहेको थियो । प्रमुख तीन उम्मेदवारले आ–आफ्ना एजेन्डा सार्वजनिक गर्दै चुनावी प्रचारलाई तीव्र बनाएका छन्।