डोटी ,जेष्ठ १४
सुबास नेपाली
जेष्ठ शुक्ल पक्ष दशमीमा लाग्ने गंगा दशहरा मेलाको अवसरमा संचालन हुने हाई अल्टिच्युट खप्तड शैलेश्वरि खुला म्याराथन प्रतियोगिता (पुरुष) र महिला हाप म्याराथन प्रतियोगितामा सहभागी जनाउन नेपाली सेना त्रिभुवन आर्मी क्लबको विभागीय टोली डोटी आईपुगेको छ।
सुदुर पश्चिम खेलकुद परिषद कैलाली ,उद्योग बाणिज्य संघ डोटीको आयोजना तथा नेपाली सेनाको व्यवस्थापनमा संचालन हुने हाई अल्टिच्युट पुरुष म्याराथन र महिला हाफ म्याराथन प्रतियोगीतामा सहभागिताका लागी ७ सदस्यीय टोली डोटी आईपुगेको हो।
यस अघि सुन्दर सुदुर पश्चिम नाम मात्रै सुनेको र अहिले प्रत्यक्ष सहभागी भै अवलोकन गर्न पाउने कुराले आफुहरुमा कौतुहलता जागेको उनिहरुले बताएका छन।
नेपालकै पर्यटकीय गन्तब्य मध्यको एक रहेको खप्तडबाट सुरुहुने हाईअल्टिच्युट म्याराथन प्रतियोगितामा सहभागी हुने अवसर जुराईदिएकोमा आयोजकलाई धन्यवाद दिदै खुसी व्यक्त गरेका छन।
